Loading...

 

Grabiten armë në bazën ushtarake të Pashalimanit në Vlorë. Brenda në depon e armëve janë grabitur 3 armë automatike, tre granata dhe një sasi municionesh luftarake. Ende nuk dihet se si grabitësit janë future në ambientet e këtij reparti ndërkohë që vijojnë hetimet nga policia ushtarake.

Grabiten armë zjarri automatike në bazën ushtarake të Pashalimanit në Vlorë. Tre është numri i armëve të grabitura, tre i granatave dhe bashkë me to janë marrë edhe një sasi municionesh.

Burime për Report Tv konfirmojnë se janë arrestuar pesë persona, të gjithë punonjës pranë bazës ushtarake, ndërkohë që hetimet po kryehen nga Prokuroria dhe nga policia ushtarake. Vlera e armëve llogaritet rreth tetë mijë euro.

Mësohet se grabitja e armëve është konstatuar gjatë mbrëmjes së të enjtes, rreth orës 22:30. Armët kanë qenë të sistemuara në një depo të bazës ushtarake, ndërsa dyshohet se grabitësi është person i brendshëm i bazës ushtarake ose është ndihmuar nga të tillë.

Policia nuk ka mundur të indentifikojë autorët për shkak se depoja ku ruheshin armët nuk monitorohej nga kamerat e sigurisë. Në vend të kamerave të sigurisë, në gatishmëri të plotë duhet të ishte roja i natës, i cili në momentin e grabitjes nuk ndodhej në vendqëndrimin e tij.

 

Loading...
Loading...
loading...