Loading...

 

Një mbrëmje fantastike në një nga ambientet më të bukura të Elbasanit mbushi me tingujt e muzikës dhe zërin e mrekullueshëm të tenorit Kastriot Tusha muret mijëra vjeçare të kalasë.
Në këtë natë të veçantë, tenorit ju dorëzua edhe çmimi “Qytetar Nderi” dhënë nga Këshilli Bashkiak i Elbasanit. Kënaqësi të veçantë e konsideroi Kryetari i Bashkisë Z. Qazim Sejdini dhënien e këtij çmimi.
Sejdini la porosi që muzika të trashëgohet ndër breza dhe sidomos kënga popullore qytetare elbasanase.
I lindur dhe rritur në Elbasan sot Kastriot Tusha mori një emocion të veçantë, jo vetëm nga publiku i ngrohtë, por sepse që sot ai vjen si qytetar nderi i këtij qyteti.
Nata europiane e nisur në Elbasan pritet të udhëtojë në të gjithë Shqipërinë ndërsa organizatorët kërkojnë të bashkojnë shpirtra.

I lindur dhe rritur ne Elbasan, Kastriot Tusha mori një emocion të veçante, jo vetëm nga publiku i ngrohtë, por sepse që sot ai vjen si qytetar nderi i këtij qyteti.

“U ndjeva shumë mirë për respektin që më është bërë nga qyteti i vendlindjes. Një qytet vërtetë i mrekullueshëm. Ndjehem krenar që kam lindur këtu. Një mbrëmje që u bë enkas për këtë publik dhe për surprizën që më bënë”, tha Kastriot Tusha.

“‘Nata Europiane’ është një udhëtim muzikor, i cili është vazhdimi i projekteve që kemi filluar me Kastriotin. Një shpresë më shumë. Është një projekt ku mbi të gjitha të ardhurat e mbledhura edhe na projektet e tjera, shkojnë për bamirësi”, tha Zeqir Tulkuqi, violinist.

Muzikantë të vjetër e të rinj, breza të tërë të rritur me kulturën e një  qyteti plot tradita, nuk mund t’i mungonte kësaj mbrëmje zërat e mrekullueshëm të Ulpiana Aliajt dhe të të madhit Mehdi Zena

 

Loading...
Loading...
Loading...