Deputeti i PD, Luciano Boci, duke hyre ne nje mbledhje te grupit parlamentar te Partise Demokratike, ku kryetari Basha ka akuzuar kryeministrin Edi Rama dhe kryetarin e Kuvendit Ilir Meta per skandalin e Cez./r/n/r/nLawmaker, Luciano Boci, during a meeting of the parliamentary group of Democratic Party, DP.
Loading...
Loading...

 

Ministria e Arsimit i ka bërë kërkesë prokurisë që të fillojë hetimet ndaj deputetit Luçiano Boçi, pasi ky i fundit denoncoi sot se testi i matematikës për maturantët kishte dalë para disa ditësh dhe jo disa çaste para provimit siç pretendonte ministria në fjalë.

Menjëherë pas kësaj kërkese ka reaguar edhe deputeti Boçi, i cili ka theksuar se detyra kryesore e çdo ligjvënësi është të denoncojë shkeljen e ligjit dhe skandalet. Sa i përket bërjes publike të testit të matematikës. Boçi, u shpreh se ajo që duhet hetuar në këtë rast duhet të jetë ministra Lindita Nikolla.

Ja postimi i Boçit:

Ministrja e vënë prej kohësh nën akuzë për grabitjen e të dhënave personale të nxënësve dhe të prindërve për qëllime të ngushta politike, thërret sot në ndihmë prokurorinë për interesa personale.

Në detyrën si ligjvënës ne mbrojmë interesin publik dhe qytetar dhe interesi i fëmijëve tanë është interesi më i lartë.

Në emër të tij ne kemi denoncuar dhe do të denoncojmë publikisht çdo rast abuzimi, shkelje të ligjit dhe shpërfillje ndaj mundit, sakrificës dhe djersës së tyre.

Ministrja e di mirë se është ajo vetë përgjegjësja kryesore si titullare e institucionit, e daljes dhe qarkullimit të testeve të maturës shtetërore.

Ministrja mban përgjegjësi të plotë ligjore që testi u fotografua në sallë dhe u shpërnda nëpërmjet telefonit, te ndaluar sipas ligjit.

Ministrja e di mirë se ësht? ajo përgjegjësja që ka degraduar Maturën në mall online dhe ka shkelur me këmbë punën disa vjeçare të nxënësve e prindërve.

Është ajo që trafikon testet e maturantëve për të mbuluar shkatërrimin që ka mbjellë në arsim.

Është ajo që e ka shndërruar arsimin në një magazinë pa inventar nxënësish, ku nuk fiton më i miri, më i përgaturi, por më i shkathti e i shpejti.

Është ajo dhe Rama i saj që tallen çdo ditë me maturantët, rininë e prindërit e tyre, me të ardhmen e shpresën e tyre.

Përgjegjësit ligjorë dhe moralë të kësaj katrahure janë Rama dhe Nikolla.

Më mirë të kishe heshtur zonja Ministre!

Dita e gjykimit po afron….!

 

Loading...