Loading...

Etiketimi si “dhuratë e Ramës” pajisjen me zyra të ‘Bindjes Demokratike’ ka sjellë reagimin e ashpër të Astrit Patozit ndaj Partisë Demokratike.

TIRANË- Etiketimi si “dhuratë e Ramës” pajisjen me zyra të ‘Bindjes Demokratike’ ka sjellë reagimin e ashpër të Astrit Patozit ndaj Partisë Demokratike.

Një “fake news”, e ka cilësuar kreu i BD, Patoz i cili tha se një gjë e tillë vjen nga “idiotët e Lulit, që nuk e dinë se pajisja me zyra e një force politike në një detyrim ligjor i qeverisë. Në reagimin e tij, si përgjigje e shkrimit të gazetës Rilindja Demokratike” pranë PD që mban titullin ” Zbulohet dokumenti/ Rama “shpërblen” shërbëtorin Patozi, i jep zyra dhe palestra për Bindjen”, Patozi shkruan se ajo zyrë nuk i pëlqen aspak, por kjo nuk do të thotë se duhet të reagonin, pasi “Shqipëra ka halle të tjera”.

“Pa as më të voglën dëshirë, por në respekt të publikut, që bombardohet pa mëshirë me marrëzi politike dhe me fake neës, jo vetëm në rastin tërmeteve, sqarojmë si më poshtë:

1-Pajisja me seli në Tiranë e Bindjes Demokratike është një detyrim ligjor i qeverisë së Republikës së Shqipërisë, i cili buron nga ligji “Për partitë politike”. Që do të thotë se mospajisja do të kishte qenë shkelje flagrante e këtij ligji. I vetmi “nder” që na ka bërë qeveria e Edi Ramës është se na ka dhënë një ambjent, që nuk na pëlqen fare, në një zonë gjithashtu të papërshtatshme të periferisë së kryeqytetit, dhe për më tepër me disa muaj vonesë, që nga momenti kur na kishte lindur e drejta, sipas ligjit.

Por për këtë gjë ne, as nuk jemi ankuar dhe, as e kemi bërë çështje, sepse kemi menduar se Shqipëria ka shumë halle të tjera më të rëndësishme, se sa sistemimi me zyra pune i një partie politike. Në rast se do të ndiqnim logjikën e idjotëve të Lulit, që e paskan trajtuar si një “dhuratë” të Edi Ramës, ne duhet të konsideronim të tillë edhe çdo fond nga buxheti i shtetit, që merr Partia Demokratike apo çdo forcë tjetër politike, sipas ligjit. 2-Meqë marrokët e Lulit po thonë se ky është ngë privilegj i qeverisë për Bindjen Demokratike, ne ftojmë çdo subjekt politik, që shkon me mendjen e tyre dhe që ka një seli në Tiranë, të vijë e t’i ndërrojmë kokë për kokë zyrat, duke filluar nga nesër, po të duan. 3-Ambjentet e punës së Bindjes Demokratike, do të vijojnë të mbeten pronë shtetërore edhe pasi ne të vendosemi atje.

Ato, as i marrim dot me vete në shtëpi, dhe as kemi ndërmend që të ndërtojmë ndonjë pallat të paligjshëm, të cilin edhe po na e prishën, mund të na e dëmshpërblejë pastaj qeveria me miliona euro. Ndaj i ftojmë idjotĕt e Lulit të mos mërziten kot, sepse aty i kanë, dhe mund të na i marrin prapë, gjithmonë, nëse do t’u vijë ndonjëherë në këtë jetë rasti, që ta kenë ata në dorë”, shkruan Patozi.

Loading...
Loading...
Loading...