Loading...

 

Nga Shkëlzen Henkoja

Thellohet bilanci i dëmeve të shkaktuara nga përmbytjet në disa fshatra të Cërrikut dhe Gramshi. Më rëndë rezulton se janë goditur fshatrat Gostimë, Shtërmen dhe Malasenj.

Uji ka vërshuar nëpër shtëpitë e banorëve duke shkaktuar dëme të mëdha materiale. Lartësia e ujit e kaloi mbi një metër në disa zona. Në një lagje pranë komisariatit të Cërrikut ka përmbytje të mëdha. Të paktën 5 familje janë dëmtuar rëndë.

Sipas banorëve, uji ka përmbytur të mbjellat e stinës, shpendë dhe kafshë. Qindra krerë me shpezë dhe dhjetëra kafshë rezultojnë të humbura dhe mendohet se janë marrë nga uji e kanë përfunduar në Devoll.

Banorët tregojnë se është hera e dytë që përmbyten. Por këtë radhë, sipas tyre, dallga ishte shumë e madhe aq sa mori përpara gjithçka.

Ata kërkojnë ndihmë nga pushteti dhe qeveria, pasi përmbytja u ka shkatërruar gjithçka. Deri më tani nuk ka një bilanc për dëmet, por sipas të dhënave paraprake, kjo përmbytje ka shkaktuar dëmtime të mëdha dhe mjaft familje janë të rrënuara.

Loading...
loading...