Loading...

Detaje te reja nga ngjarja e ndodhur pas mesnate në Elbasan ku mbeti i plagosur një 23-vjeçar. I riu Kei Piu (në foto) u gjet i plagosur i shtrirë në bulevard jashtë një lokali në lagjen “Luigj Gurakuqi”, pranë stadiumit “Elbasan Arena” në bulevardin kryesor.
Sipas grupit hetimor, dyshohet se ka qenë një atentat i mirëfilltë ndaj 23-vjeçarit i cili figuron me precedentë penalë. Qëllimi i atentatit ka qenë eliminimi i 23-vjeçarit por një incident me armën e autorëve ka bërë që ai të shpëtojë mrekullisht, thanë burimet. Mësohet se personat që kanë qëlluar kanë qenë me maska e kallashnikov po u ishte bllokuar arma pas gjuajtjes së dytë.

Atentati është i ngjashëm me skemën e disa krimeve të kryera gjatë muajve të fundit në Elbasan e Peqin. Atentati Dyshohet të ketë lidhje me ngjarje të tjera kriminale të mëparshme.

I riu u gjet i plagosur nga policia dhe u transportua në spital ku ndodhet jashtë rrezikut për jetën. Policia ka nisur hetimet për zbardhjen e plotë të ngjarjes, ndërkohë që janë disa të shoqëruar. BW

Loading...