Loading...

Djali i kryeministrit Edi Rama, Greg Rama, duket se vijon të ndjejë dhimbje për humbjen tragjike të së dashurës së tij, Kristi Reçi, nga tërmeti katastrofik i 26 nëntorit.

Së fundi, Gregu ka postuar një foto nga deti, të shoqëruar me një poezi të Teodor Kekos.

Në vargjet e poezisë “Madhështia e detit”, e shkruar në vitin 1980, Gregu, ndonëse nuk përmend emër, duket se ia dedikon pikërisht Kristit.

“Ne rrinim të heshtur pranë detit, vështrimi mbi ty më mbeti. “Sa më do, e dashur?” Ti sytë hodhe nga deti…,” shkruante krahas fotos Gregu.

Kristi Reçi humbi jetën në tragjedinë e 26 nëntorit bashkë me babanë e saj, Eduard Reçin, 54 vjeç, nënën Dolora Reçin, 49 vjeç, Klaus Reçin, 21 vjeç.

Sipas mediave italiane, studentja e mjekësisë dhe Gregu ishin të dashur prej dy vitesh, madje një gjë e tillë u konfirmua edhe nga vetë kryeministri Rama.

Loading...