Loading...

Gruaja 40-vjeçare me inicialet R.Tola është gjetur e pajetë – njofton policia – së bashku me fëmijët e saj, vajzën dhe djalin. Burime për Report Tv bëjnë me dije se shpërthimi ka ndodhur në familjen e Ylber Tolaj, ndërsa dyshohet që personi tjetër në gjendje të rëndë shëndetësore, të jetë fëmija tjetër i familjes.

BULQIZË – Nëna dhe dy fëmijët e saj, vajzë e djalë, kanë ndërruar jetën tragjikisht në fshatin Ostren të Madh në Bulqizë, në kufi me Maqedoninë, pasi janë asfiksuar si pasojë e rrjedhjes së gazit nga një bombol.

Gruaja 40-vjeçare me inicialet R.Tola është gjetur e pajetë – njofton policia – së bashku me fëmijët e saj, vajzën dhe djalin. Ndërkohë në gjendje të rëndë shëndetësore është dhe një pjesëtar tjetër i familjes ku po transportohet për në spital. Burime për Report Tv bëjnë me dije se shpërthimi ka ndodhur në familjen e Ylber Tolaj, ndërsa dyshohet që personi tjetër në gjendje të rëndë shëndetësore, të jetë fëmija tjetër i familjes.

“Grupi hetimor ka shkuar në vendngjarje dhe vijon hetimet për zbardhjen e ngjarjes”, thotë policia në një njoftim paraprak për ngjarjen.

Kryebashkiaku Alla: Vajza që mbijetoi është 16 vjeç, po transportohet për në spitalin e Bulqizës

Kryetari i Bashkisë së Bulqizës, Lefter Alla bëri të ditur në një lidhje telefonike për Report Tv, se e vetmja e mbijetuar është vajza 16-vjeçare e shtëpisë, e cila është duke u transportuar në spitalin e Bulqizës. Ai tha se nëse gjendja e saj shëndetësore konstatohet e rëndë, do të jetë i vështirë transportimi i saj me helikopter për shkak ptë kushteve të pafavorshme të motit. Kryebashkiaku Alla tha se fëmijët që u gjetën të pajetë në banesë, janë djali 14 vjeç dhe vajza 19-vjeçare. Ndërkohë, Alla shtoi s epolicia është duke hetuar për shkaqet e ngjarjes, por tha se nga komunikimet me fqinjët, dyshohet të jetë shpërthim i bombolës së gazit ose asfiksi nga rrjedhja e gazit.

“Bëhet fjalë për një ngjarje tragjike familjare, ka humbur jetën e ëma rreth 42-45 vjeç, djali 14 vjec, dhe vajza rreth 19 vjeç, ndërsa ajo që ka mbijetuar është 16 dhe është në ambulancë dhe është duke u transportuar në spitalin e Bulqizës. Kushtet e motit janë të pafavorshme për transportimin e saj me helikopter. Është ende e paqartë nëse bombola ka shpërthyer apo kemi të bëjmë me rrjedhje gazi, por po merren organet e policisë. Është 1 orë me makinë, larg Bulqiza.

Nga komshinjtë na rezulton të jetë ose shpërthim ose rrjedhje e gazit dhe asfiksi nga gazi, policia po heton. Ne u njohëm me ngjarjen përpara një ore, nuk e di se kur ka ndodhur. Po shqetësohemi më shumë tani për të mbijetuarën. E mbijetuara për një periudhë shumë të shkurtër do të jetë në spitalin e Bulqizës, kushtet e motit janë të pafaorshme për ngritjen e helikopter”, tha Lefter Alla, kryetar i Bashkisë së Bulqizës.

Loading...