Mbytet një peshkatar në Liqenin e Banjës në Gramsh.

Ngjarja ndodhi mesditën e së hënës.

Adriatik Kume 40 vjeç me banim në fshatin Zamsh, është mbytur aksidentalisht në liqenin e HEC Banjë ndërsa ishte duke peshkuar.

Sipas dëshmitarëve okularë, peshkatarit i është përmbysur barka dhe nuk ka pasur asnjë mundësi shpëtimi.

Menjëherë është njoftuar policia e cila ka mbërritur atje bashkë me repartin zjarrfikës.

Zjarrfikësit e Gramshit kanë qenë të parët që janë hedhur në liqen për të kërkuar trupin e pa jetë të peshkatarit. Më pas kanë mbërritur dhe forcat RENEA dhe së bashku kanë bërë të mundur nxjerrjen në breg të trupit të të ndjerit.

Ngjarja është klasifikuar si aksidentale.